Dette er oss i korte trekk…

Luster Familemøte er ein kristen forsamling som møtes for å dele Guds ord. På Luster Familiemøte vil du møte frisk lovsang, søndagsskule for dei yngste, frie vitnemål og ein givande andakt. Etter møta samlast med til hyggeleg felleskap med prat, kaffi og noko å bite i.

Luster Familiemøte er ein plass for borna, for dei vaksne og for dei eldre. Det er ein plass for einslige, små og store familiar. Alle er hjarteleg velkomne til oss.

Luster Familiemøte er eit supplement til andre kristne arrangement i kommunen. I tillegg ynskjer me å vere eit samlingspunkt for mindre forsamlingar.

”Av og til er det kjekt å vera fleire!”

Luster Familiemøte vart skipa i november 2007. I året som gjekk vart det arrangert møte ein søndag i månaden. Møta blir arrangert til fast tid klokka 15.00 på Gaupne Skule. Me tykkjer det er viktig å ha ein møteplass der alle aldersgrupper kan samlast på ein gong. Me har gleda oss over at folk frå både kommunen og nabokommunar har delteke. På Luster Familiemøte samlast me over soknegrenser til åndeleg og sosialt fellesskap. Me tykkjer det er flott at borna får bli kjende med nye gjennom søndagsskulen.